Dilaruik malam
Denailah sansai diseso bayang
Ondehnyo malang
Dalam den duduak tamanuang
Dabua ombak baguluang
Raso manikam jantuang
Panek manyiram bungo sabatang
Malang-malang
Layua dirangguik mandeh kanduang
Di laie galak denai nampakkan
Ka Tuhan tangih denai kadukan
Awan bana indak manenggang
Sadangnyo paneh bagalokkan
Hujan bana nan mangaramkan
Sadingin nan ko denai babasahkan
Hati dek manangguang ragam
Salaruik nan ko mato indak talalokkan
Bialah den bajalan
Untuak apo disiko mananguang ragam
Dilaruik malam
Denai lah lareh maetong untuang
Jo parasaian
Hujan nan turun dihati
Antah bilo masorado jo taduahnyo
Manapuak aie di dulang
Malang-malang
Nan basah dado den surang
Angin malam baoklah den tabang
Nak hilang sakik jo panangguangan
Langganan:
Posting Komentar (Atom)
-
Lah den ukia Cincin suaso Raso ka elok Ikek parmato Cincin den harok pamenan diri Mangko tak lapeh disalo jari, di salo jari Ulah kile...
-
Tugu Perbatasan dan Sarasah Ambun Masih Sumatera Barat, provinsi dengan jutaan pesona alam yang akan menggugah jiwa akan keindahannya...
Tidak ada komentar:
Posting Komentar