Sambilu Cinto Putiah

Partamo kali cinto balabuah
Satiok kato kasiah nan tumbuah
Indak paduli rintang mahadang
Di hati mati di mato buto
Di mato buto ...

Adokah sumpah masih balaku
Baribu janji urang ingkari
Walau tak tahu nasib nan datang
Dikunci hati ka tuan surang
Ka tuan surang ...

Denai silau raso rindu dulu di ujuang banci
Bacari-cari sayang di salo tangih luko diri
Ramuak manahan sasa katiko harus mengalah 
Namun cinto suci tataplah dikhianati

Bahukum surang diri katiko hati bakato
Balupokan mimpi-mimpi nan mangieh tando-tando
Barilakan ameh perak asa lai kasiah babungo
Namun cinto suci tataplah dikhianati

Diguntiang buhua mati diputuih ikatan hati
Sambilu cinto putiah lah malukoi





Adilla, sambilu cinto putiah

Rilakan Denai

Maafkanlah diri denai da sayang
Indak talok manulak kandak
Diri denai iyo dijodohkan
Jo pilihan rang tuo denai

Raso ramuak jantuang di dalam dado
Indak talok raso bapisah
Jurang dalam nan indak menenggang
Sadang basayang Yo dipisahkan

Uda sayang lupokanlah diri denai
Carilah untuak pangganti diri denai ko
Uda sayang rilakanlah denai kini
Hiduik jo urang nan indak denai cinto

Dihati mati
Dimato buto
Denai rilakan
Adiak jo nan lain

Usah dikana maso-maso baduo
Lupokan sajo diri denai ko
Nan indak badayo

Diseso Bayang

Dilaruik malam
Denailah sansai diseso bayang
Ondehnyo malang

Dalam den duduak tamanuang
Dabua ombak baguluang
Raso manikam jantuang

Panek manyiram bungo sabatang
Malang-malang
Layua dirangguik mandeh kanduang

Di laie galak denai nampakkan
Ka Tuhan tangih denai kadukan

Awan bana indak manenggang
Sadangnyo paneh bagalokkan
Hujan bana nan mangaramkan
Sadingin nan ko denai babasahkan

Hati dek manangguang ragam
Salaruik nan ko mato indak talalokkan
Bialah den bajalan
Untuak apo disiko mananguang ragam

Dilaruik malam
Denai lah lareh maetong untuang
Jo parasaian

Hujan nan turun dihati
Antah bilo masorado jo taduahnyo

Manapuak aie di dulang
Malang-malang
Nan basah dado den surang

Angin malam baoklah den tabang
Nak hilang sakik jo panangguangan

Talambek Pulang

Yo mandeh ...
Antah jo apo ka denai baleh
Kami barampek mandeh gadangkan
Jo saba hati mande adohkan
Bareh sagantang nan ka batanakkan
Upah manuai manumbuak padi urang

Lah tibo masonyo denai pulang ka kampuang
Den japuik mandeh den baok tabang
Pa ubek sakik salamo ko
Kini tibo masonyo kami sanangkan
Pambangkik lukah salamo ko nan tabanam

Liku ba liku jalan ka baruah
Sinan ma rantak si kudo bendi
Janjang patah pintu lah rabah
Den imbau mandeh indak babunyi ...

Mangko Denai Tagamang

Kok cinto Uda ka ranah Minang
Tapian usah tinggakan
Kok cinto Uda ka denai surang
Usahlah pai bajalan

Di pacik janji ganggam pituah
Sajalan kato jo sayang
Lautan sati rantau batuah
Mangkonyo denai tagamang

Bukannyo ragu ka alang tabang
Dek langik indak batapi
Bukannyo ragu ka Uda sayang
Dek dunia samakin sati

Lingka Suaso

Lah den ukia
Cincin suaso
Raso ka elok
Ikek parmato
Cincin den harok pamenan diri
Mangko tak lapeh disalo jari, di salo jari
Ulah kilek ... Kilaunyo suto
Sulam jo rendo adiak kusuikan
Ulah suaso kurang rononyo
Mangkonyo cincin adiak lengahkan
Adiak lengah kan ...

Den pandang-pandang
Selo jari
Cincin suaso, mano kini?
Santano galau, jantuang jo hati
Hati den rintang, banyanyi-nyanyi
Hati den rintang, banyanyi-nyanyi

Nyao Pulang Ka Badan

Mungkin dek untuang nan indak adoh

Ba urak raso jalinan cinto

Kini lah lamo maso balalu

Lah habih lah hilang rindu

Ndak disangajo kito batamu

Dingin badan ko taraso kaku

Den jawek salam mato balinang

Dunia taraso baguncang

Raso nyao pulang ka badan

Raso iduik arwah nan hilang

Walau barek raso di dado

Lah den kubua carito nan lamo

Ka dalam den raguak tangih

Di lua lai galak juo

Kok cinto ndak namuah habih

Den kukuik malah hati ko

Luko Den Baok Mati

Paik ampadu lah denai rasokan
Dek cinto juo manis rasonyo
Dulunyo Kito bakasiah sayang
Manga kini denai batinggakan

Patah bacinto itu biaso
Kok indak jodoh Tuhan kuaso
Putuihnyo cinto indak den sasali
Luko di hati den baok mati

Den sangko paneh lai sampai patang
Kironyo hujan nan ditangah hari
Den sangko cinto lai ka sanang
Kironyo sansai ka badan diri

Usah dikana si bungo lado
Jikok tasansam padiah di mato
Bilo dikana maso nan lamo
Jatuah badarai si aia mato





Boy Sandi

Ka Tuan Surang

Mahampeh ombak di Padang
Riaknyo nan sampai ka Betawi
Rindu ka tuan surang
Jikok malam ta mimpi-mimpi

Bakicau murai di Padang
Tangiang sampai ka tanah Jao
Rindu taragak ka tuan surang
Dek lah lamo indak basuo

Langang raso nagari
Sajak tuan pai bajalan
Rusuah di dalam hati
Sajak denai ditinggakan

Aia Mato Mande

Jikok malam tibo

Sadiah tadanga

Isak jo tangih

Ratok tangih hati nan tingga

Badan baduo tingga surang

Sadiah ...

Tinggalah mande baurai aia mato

Oi kanduang ...

Tinggalah made baurai aia mato

Sampai hati ayah bajalan

Larek di ladang urang

Parak kito lah rimbo

Sakik sanang kami jo mande

Manyambuang hiduik hanyo mande

Sunyi ...

Ganti ayah hanyo aia mato mande

Oi kanduang ...

Tinggalah mande baurai aia mato

Mande

Usahlah mande manangih juo

Hapuihlah sudah aia mato mande

Sananglah uda di tangan urang

by : Dessy Santhia

Uda kanduang pautan sayang

Denai lengahkan

Takuik batamu pandang

Den tahan hati

Den gumam isak

Den gumam mato jan balinang

Buliah jan cangguang uda basandiang duo di palaminan

Cinto indak denai sasali

Alah biaso ganiah urang jauhi

Yo untuang cinto lai amuah singgah di hati

Walau sakali

Bialah den ganggam-ganggam surang diri

Yo sampai mati

Bialah sayang

Bialah sayang

Hilang si dagang malang

Bialah sayang

Bialah sayang

Luko den tangguang surang

Dalam langang

Den do’akan

Sananglah uda di tangan urang

Ameh Loyang

Adiak ameh denai loyang

Dimalah mungkin basatu

Adiak nan di rumah gadang

Lah biaso sanang

Hiduik kayo rayo

Denai nan banasib malang

Usah rumah gadang

Pondok pun ndak punyo

Minyak bacampua jo aia

Jaleh garih pambatehnyo

Adiak nio kawin lari

Denai nan bapikia

Indak takao

Mangko denai nan basuruik

Hati denai takuik

Isuak kok sansaro

Ameh loyang jikok basatu

Loyang nan lain tantu cimburu

Lah ka nasib cinto ka putuih

Rang tuo adiak indak satuju

Batu Tagak

Lapeh nan dari kelok sikabu

Di lingkuang bukik jo gunuang singgalang

Balingka desaBatu Tagak

Lapeh nan dari kelok sikabu

Di lingkuang bukik jo gunuang singgalang

Balingka desanyo tigo

Batu tagak takana juo

Mande ba sabalah mandeh dahulu

Lai taragak denai nak pulang

Nak basuo ayah jo bundo

Tapi kini sadang sansaro

Takana maso denai ka pai

Bundo malapeh denai jo ibo hati

Basabalah mande mananti

Di Batu Tagak nantikan denai

Denai Lambai Tangan

Rintiak hujan malam

Katiko denai banyanyi

Jo angin maniti awan

Rusuah risau nan sunyi

Dipandang langik tinggi

Capeknyo maso ba ganti

Denai lambai tangan

Jawek salamaik jalan

Kok jauah tuan pai

Bilo kito batamu

Lauik mambateh bayang

Jo a rindu ka di rintang?

Kok dulu sapo tuan

Jo banci denai solang

Kok dulu galak tuan

Jo ranyuak ba lengahkan

Isuak matohari

Tunjuakkanlah bakeh bapasan

Cinto nan ko datang

Maso basamo lah hilang

Isuak matohari

Tunjuakkanlah bakeh bapasan

Katiko cinto datang

Maso basamo lah hilang

Song by:

Dia Camelia & Charles Simbolon